精神返啦!精神返啦!

regin聽電話把聲精神到有d令人難以置信!
原來佢地一家人傾緊d開心話題,regin笑到傻傻地=)
hehe.咁就好啦!!
仲有因為佢今日唔洗照肺
於是佢o係屋企睇劇,仲走左上網睇銅鑼灣有咩好野食XD
penny無講錯,您真係一聽到食就精神曬.
好.您快d好返,我地同您食到肥曬又點話=P
順帶一提佢今日D胃口好似真係唔錯
下晝食左兩碗粥之後夜晚都食左一大碗麵。
傾傾下發覺WA...唔掂!10點7la..於是就叫左佢去訓
不過佢似乎無咩意慾理我= =
na....我話您聽.您唔可以咁唔聽過ga.
就算我無kitty咁惡都唔可以唔理我 ga ma =P

btw,上次去南丫島, 白薇話要去次我屋企
大家睇下新年期間會唔會有機會同到regin黎丫
雖然...我知大家都會溫書溫到痴曬線...
又或者地理班可以考慮下補課上黎
叫埋鍾sir車我地XD

完成第2次化療lu~

20080128
題外話:做做下writing就無lala走左黎打blog,regin,你比英文較吸引我,kakakakaka~~

琴日同左kitty,芳同白薇接regin出院..瘦了~
佢因為岩岩完成化療,個人好唔舒服,無胃口同想吐..
我可以形容似係:一個飲左幾日酒的醉酒漢..頭暈暈,想吐,唔想食野....li d feel呀芳話佢完全明白(唉~唔知成日去左邊到偷偷飲酒)..不過講真,見regin對住我都唔識笑,無反應...應該真係好辛苦><"

接完就去左yellow nurse到洗傷口..regin就累到訓左,我就做左劉姑娘.哈哈><
我地嚮果到溫書呀睇報紙呀,四點到走去樓下做驗血...芳同kitty偷飲人地d coffee and 奶茶..唉~無眼睇~
做完就飛的送regin番小西灣~到家後,見佢仲想吐,我到樓下買lemon比佢沖野飲..
la...找了很久= =....佢工人問我做咩去咁耐,佢話樓下有百佳= =可能我真係太耐無嚮小西灣買野= =突然發覺小西灣好陌生..><

gingin~等你休息完...<全民大運動>又要開始了!!are you ready??
你喜歡食上海菜ma??30日我地去食la...聽到食~你應該回復本性,精神番ga la wor..keke

peni字

我也來打氣

送你一朵蒲公英，
希望你像那花一樣，
擁有頑強的生命力。
祝你 早日康復。

天使來為你打氣囉！

REGIN，你知道她是誰嗎？^^
是不是很好奇呢？

http://www.xanga.com/wongviola
她的XANGA，自己去揭曉答案吧！
滿美的天使，你要記住她哦！^^天使會給你力量的BABE!!(很多很多天使啊！我也是啊!haaa*)
你看那麼多人支持你，

CC也說要和你一齊做運動呢，等你出院了，身體回復了精力了，
我們就一齊去跑步OR打羽毛球！所以你要快點補充體力啊！！

怎樣？REGIN你有沒有好幸福的感覺啊！呵呵~
你說的沒錯：得到的比失去的多！(重點是：不只你一個人得到的多！)

李育芳在線報告：
REGIN這幾天入醫院做第二次化療，
KITTY小姐今日打了一個電話給REGIN，她說她很悶！- -
但我忘了，她是說，住醫院一個人很悶，還是做化療令心口很悶！！
因為打電話的是KITTY小姐，我在一旁，沒聽清楚！呵呵"(KITTY自己補充LA)

星期一，我同KITTY/PENI會去接佢出醫的！
到時，又是時候 [全民大運動] -> 我自己改的！haa!!

好朋友的留言

Regina力口油..我每日都有睇你班朋友為你打氣,而我每日都在默默支持你的..你知道嗎???雖然我們只見過一次面..可能你已經對我模糊.但我好高興識到你呀^^你宜家只要記住..食多d對自己身體好ge野.做多D運動

Debbie 2008年1月21日 上午 12:24

Reggie黎留言會唔會好奇怪呢??最近知道呢個blog...每日都黎~~積極面對!!!加油~~大班朋友撐你!!有咩既就隨時搵我~~一定幫!!!p.s. Regin...記得邊個係Reggie嗎??

Reggie 2008年1月21日 上午 10:51

Regin.唔知點解個blog好鍾意蝦我
我依家攪佢唔掂呀.其實已經攪左好多日...
唯有怪我自己蠢啦.睇黎要搵kitty幫幫手至得啦 XD
我想話琴日好開心呀!仲比雍雍公開埋我d語無倫次野tim.
不過唔緊要,見到您玩得好開心
又笑得好開心就咩都無所謂=)您加油呀!
可能有時我地會好忍心咩都唔比您食又咩都唔比您做,
不過您記得您自己話過要快快咁好返
我地再一齊去大玩特玩大食任食架.
所以呢.您依家就乖乖地聽下我地呢班殘忍ge人ge說話啦=P
我知您好叻女架!
hehe.support & luv u all the time <3yan>

Yan 2008年1月21日 下午 10:09

Regin
我係李宇澄呀
記唔記得我呢個閒人呀-v-"
我份人唔係好識講野
淨係想同你講..唔好放棄,努力尋找自己的目標
前面是絕路 希望在轉角一定有轉機架
要堅持到底
我地會支持你

澄 2008年1月22日 下午 9:58

唔好意思呀...咁遲先上黎...
因為之前功課比較忙..
一口氣睇晒咁多日真係有少少吃力...
唯有以後每日都睇啦..哈哈"
見到你身邊咁多好友支持...
咁我可以放心lu..
我宜家去左多倫多讀書...
冇辦法探你...所以要等你好返...
我返黎之後就可以見下面""= = = = =
你要知道呢...遠方既人都支持緊你"

馬仔..." 2008年1月23日 上午 5:35

南Y島後記

日期:20080120

　　今朝0830起床，看到媽媽忙著幫我準備奶粉、維他命、早餐…心情非常興奮，我怕會遲到，便急著出門口，到巴士站跟Penny&Step.一起出發。這樣的感覺很像小學生去旅行，充滿活力，充滿驚喜，真好。

　　很久以前就想有今天這樣的機會，大家能用一顆充滿愛而單純的心聚一起，毫無壓力的開懷大笑，幹事充滿著衝勁，想做就做。

　　其實自知道有病以後，我愈來愈發覺得的比失更多，而且更珍貴！我想不到我現在幹事可以更沒顧慮，即是只要覺得事情是有意義的，就會去做。

現在的我可以比以前更快樂，更會面對旁人的眼光。

我能得到很多很多人的祝福！從沒想到支持我的人不止於我的家人或至好朋友，還有我班親愛的7A班同學，我的老師（你們的心意卡我準備慢慢看，我想在覺得難以支持下去的時候看，作為最強的補充劑，所以也需要一段時間，但我必須說，這是我收過最有心思的禮物）、校長，甚至是我全不認識的，如4A班同學（又順帶一提，他們真的令我非常感動，他們的「MADE IN 4A/NOT FOR SALE」我已經看完，我一直看，一直想為什麼自己那麼幸運，他們可以對一個素未謀面的人送上最真誠的祝福和支持，真的非常感謝你們，答應你們，我會變得更堅強，我要重返校園！），你們的支持我都覺得很意外，這是我不可能再收到的更好的禮物。
　　當我看到那瓶摺紙；那一盒我班親愛的同學寫下的祝福卡；那一張張我尊敬的老師寫的祝福卡，我才發現自己是萬千寵愛在一身，每個人都疼我，我從不孤單過。我想，要是有人在這樣的情況下還會覺得孤單，就太蠢、太可憐了，因為那人還不懂什麼是愛，經濟一點，別人不斷送「愛」給自己時，應抱「唔執輸」的心態不斷接受才能得到最大的利潤。所以囉，我是不會咁「洩底」的！

除此之外，更重要的是我能看透生命的意義。小時候我常問自己為什麼要把我生下來，我來到這裡到底有什麼意義？（這類哲學性的問題應該人人也曾問過）到底做人是為了考試還是等待死亡？為什麼要在這裡受苦？可是，經過這一切才發現來了這個世界是我夠幸運，能夠有機會享受世上的一切是福氣！（不知你們感受到沒有）我了解人生並不是為了考試，也不是為了煩惱將來，人生這東西，其實很簡單，就是尋找快樂的生活，令生命變得更有意義，這是我認為最舒適，感覺最幸福的人生，同時我也慶幸我能在18歲的青春時代已經了解這一點，聽聞一些已經年老的人勞碌一生自以為是要追逐所謂的理想生活，說穿了，其實也只是名利的盲頭烏蠅，卻一點也不快樂，這樣的人生早已失去其意義，不是嗎？現在的我每天都呵呵呵的喔，哈哈哈*V*！

　　今天是我自得病以來覺得最快樂最快樂的一天！這一次「小學生旅行」令我得到無限歡樂，足夠讓我慢慢回味；而且，要謝謝許醫生（幫我打白血球的醫生），我可以在他家附近打針（因為診所休息），這真的超興奮，應該沒有誰可有這樣的機會吧！呵呵呵>v<”

　　另外，我最近覺得運氣來了！我遇到的都是好醫生，好姑娘，好老師，好朋友，好學校（非常感謝您們）…你們令我狀態絕佳！到南Ｙ島時，又可吃到難得的蘿蔔糕，又遇上剛擺擋的茶果（天知道我最愛吃這些，之前曾經特意為了茶果到坪州，結果無功而回），真是太興奮、太感謝了！！

　　P.S.有空而身體許可的話，我會於15/2回校上課，好嗎？

跑步步again

今日同雪芳..呀雍一齊同regin跑步..
事前話regin今日已經打左tennis..所以要取消..
但之後又話唔可以取消..之後又取消..
最後都係要跑..XD
由於7:45pm regin要去打針..
所以我地只係夠時間跑兩個round..
跑住我地又o係度傾計,,講傻野XDD
哈哈..大家都好開心呢~~~

我地決定要遲下去大嶼山拜佛..同埋求姻緣..
哈哈~~你地有冇興趣呀各位???xdd

You are not alone

上網找了些相關網頁

七個患骨癌的少年
http://www.bone-pals.ccf.org.hk/

兒童癌病基金會
http://www.ccf.org.hk/

骨肿瘤饮食宜忌
http://www.cnaizheng.com/zl/azzl/guai/kfhl/2006-07-31/2413.htm

中國癌症網
http://www.cnaizheng.com/zl/azzl/guai/Index.htm

跑步天

今日是第一次和regin跑步的日子。
和kb坐82去"嗯....差d落錯車"好彩有驚無險-v-
然後上左去湊regin加換衫!
熱身期間同kb不停阻止regin拉筋"
之後就開始跑!
跑左6個圈"regin狀態5錯!
6個圈跑左24秒左右=]
佢跑得好快"
我地同佢從並肩到有d距離再到成條街...= =
跟得好辛苦"
不過都有跑足全程!
因為要俾regin知道呢條路5係得佢一個人跑"
而係我地大家同佢一齊努力緊=]
收到嘛regin?!
您今日好叻!keep going!=]
希望我地下次會跑好d*v*

White Blood Cell>>49!!!?

今天和regin見醫生,我們像盲頭烏蠅般到處找驗血室"
幾經辛苦找到了,,竟然第一句歡迎說話是:「點解今日咁多細路!」
可惡"明明打扮已很成熟嘛!!(OL look)
如果你曾捐血,,一定經過'park'手指的步驟,,
看見護士從那細小的孔硬擠regin的血出來...
我心裡暗暗的痛,,但妳仍笑著跟我說,不用抽血真方便"傻豬
我們真是好姊妹耶,,早餐跟餐飲不約而同呢=]

驗血報告很快出了,,
WBC指數居然是49點幾!!(正常人是6-10==)
regin還以為人家打錯小數點位>v< 這結果是因為前4天打了白血球針 為了不影響化療,,regin明天需多打一次WBC針
(*WBC是由骨髓製造後釋放到血液,而且只能維持3天,regin骨髓不能提供此服務,所以要靠別的方法增加呢)

另外,,在24號的化療,,dose(藥的劑量)會保持不變

regin*我找到了那些簡稱的意思(大家也看看,,知多一點點)
血液常規檢查:
白血球(WBC)/紅血球(RBC)/血紅素(Hb)/血球容積(HCT)/ 平均血球容積(MCV)/平均紅血球血紅素量(MCH)/平均紅血球血紅素濃度(MCHC)/紅血球大小分佈寬度(RDW)/血小板(PLT)/白血球五項分類(WBC differential count)
for detail information:
http://www.no1tcm.com/51ht/html/medcheck-terms.htm

p.s.噢,,,終於能發佈了!!原來是按ENTER的問題..(最後一個步驟">口<)

好朋友們留言

芸芸:聽到你媽媽這樣稱呼你，覺得好親切，所以也想這樣叫你，哈！我想我和很多關心你的朋友一樣，每天都要上網看看你的blog才會放心，在你的網誌上的每一篇文章，都令我好感動，在這裏，我感受到你的決心，也感受你一幫好友的友誼，加油！當跑累想休息的時候，記住告訴自己，你要成為真真正正的「肌肉女」，要和病菌打戰，不能懶，也不應該懶；當你想吃一些香﹑脆的食物時，記得告訴自己，忍一下，等好了以後，我們每個人都會陪你大吃一頓；還有，當悶﹑不開心的時候，記住告訴自己，你並不孤獨，只要你上上網，來自己的網誌裏，或是打電話給我們，你會發現，我們都會和你在一起，好像ｐｅｎｎｙ所說的，我們都鐵了心，一定要和你一起打勝這場戰！一起努力！
白薇


加油呀!!!
我日日都會留意你個blog ga!!
要乖乖聽醫生同姑娘既說話,,
繼續做運動=]!!
charmaine

regin!!我系獅子!仲記唔記得我丫!!
記住記住..要乖乖听你身邊所有關心你ge朋友仔ge話丫!!!
將身體保持到最健康ge情況下,,
有d咩都入侵唔到你gala!!!=)
因為你系superwoman!!!
我地每1個都企o系你前面保護你,支持你!!! x)
獅子*

hey everyone...
i'm not sure will regina read that but if not could u guys please pass it on to her...Regina, i'm very sorry to hear about this bad news about u... i hope all this hospital treatment goes well. I'm terribly sorry i haven't been able to keep in touch. I have been having so much fun in Australia, and i totally forgot i have a great bunch of friend in hong kong as well... I'm sorry i didn't try harder to get in touch with everybody. I wish u all the best with ur health and hope everything goes well with u. I hope u guys haven't for get me... please keep in touch and keep me inform please.lots and lots of love
Emily
xoxo

南丫島之旅

日期：20080120
出席朋友：Regina﹑白薇﹑Kitty﹑Penny﹑芳﹑皓文﹑bowling﹑Step﹑雍雍﹑Yan
時間：0930 - 1530
活動路線：南丫島榕樹灣　至　索罟灣

　　今天天氣很好，有太陽仔。昨天還在下雨，今天卻看到藍天。天公造美，讓南丫島之旅成行！Regina今天戴了白帽帽，黃色T-shirt好精神。十點正坐船出發，坐船尾有點拋，我都不敢望其他位置，怕暈哦！
　　到達小島，第一時間竟然是食！好味的伯伯新鮮蘿蔔糕，仲有茶果。因為蘿蔔糕不含防腐劑，所以俾regin食少少啦！然後吃勁辣串燒，呢個佢就冇得食啦！食埋呀婆滑豆花就正式登山。
　　天氣真的好好，有無敵海景。和風陣陣，我問寶玲，感受到蘇軾遊山之樂嗎？不過其實感不感受到是次要，重要的是大家心情好，又可以呼吸新鮮空氣，對大家都有益。

　　後來我問Regin，頭髮掉了那麼多，心裡會不會不高興。妳回答我說妳已經接受了。妳知不知道，昨天黃姑娘跟我說，那天妳在診所發脾氣哭得得一塌糊塗，聽到的時候真叫人擔心妳知道嗎？傻女，我們知道人心肉做，學penny說的我們都是女人，怎不知道大家愛美。有脾氣就發出來，在我們面前發脾氣也不要緊，誰叫我們是姐妹對不對？不高興一定要說一來，放在心裡事情不會解決的，不如說出來讓我們一起分擔，right？
　　還有，今天很好東西都不能吃，妳小小聲的說：「媽咪冇話唔俾食ga...」芸芸小朋友，我知道妳什麼都想吃，一個人病的時候總是喜歡撒嬌，但babe呀妳要記住，現在忍一忍一是為了未來呀！妳呀妳呀，現在就忍一忍嘛，病好了我們去大吃幾十餐好了吧！乖啦知道嗎？
　　晚上跟妳通電，聽著妳的笑聲我就高興。Keep happy ok?!　記得，要為所以支持妳的人而活，生命不只是要為妳自己一個負責的！2221

*跟regin說，化療完新生的頭髮會變得更柔軟，她笑得好高興還串我說：妳d頭髮好差，一齊剪呀！(?!)
**昨天給妳的那個，記得要放在身上！

＊開心的一天＊

2007年1月20日






我們一行十人黎到南丫島啦！！！



哈哈～點解有一個唔見左？

　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　＜－－－因為佢揸機囉～哈

　　　　今日天氣好好啊～

　　　　哈ReGIn已經率先
　　整左個新造型迎新禧啦!! (哈搞下gag 者:p唔好噓喔)
　　　今日好開心`丫.水清沙幼﹑藍天白雲﹑靚人＋靚景

　　　　　　　好耐未試過咁舒服啦!
Regin今日好靚女丫!我阿婆見到d相問我依個係邊個黎嫁.
「笑得咁燦爛既.真係似足我既誠俊哥.」



哈哈.


我地今日行左好多小店啊,經過沙灘,再上山
一開始行山係斜嫁.估唔到會咁好天氣
所以一路行就一路脫..一件衫咁多~


我地行山之前,仲去左好多個站,去食!
正所謂「民以食為天」!
我地首先就食左魚蛋燒賣,
跟住step.kitty.regin去買茶果食
跟住仲食到好有特色既蘿蔔糕!ReGIN都話好好好味.!
跟住仲食埋大辣牛肉串.真係正到番尋味!
哈regin ^^5緊要!好番又得食囉!!!
跟住行左冇幾耐,見到間「德興亞婆豆腐店」
我諗住走咯啦~點知Kitty.阿芳已經入左去…哈哈
所以總結而言食既時間係多過行山的，仲5計食海鮮餐喎!哈‧
LiTtLe Regin!我今日見到你好開心.我都好開心啊!


記住以後都開開心心心!加油加油加油!






＜－－「ｙｅａｈ！終於黎到南丫島啦！俾個ＹＥＡＨ你」
　　　　　　　　　　　－－ｒｅｇｉｎ







＜－－「做咩～未見過人伸俐啊」


　　　　　　－－白薇Ms












＜－－「嘻～又係時侯發下姣～嘻＝p」



　　　　　　　－－洪姣姣



＜－－「哈！我係超級無敵肥仔雍！！」



　　　　　　－－靚雍





＜－－「喂！山頂既朋友見唔見到我啊？我係靚女啊！



見到就快ｄ幫我影低啦！！」　　　－－１號候選佳麗ＳＴＥｐ





＜－－「依度ｄ豆腐花食到人皮膚滑一滑！」　　　　


－ｂｏｗｌｉｎｇ




＜－－「﹏哈哈！．．．咩話．你講咩？哈哈．．．」

　　　　　　　　　－－丫芳
　　「哦～哈」－－ｐｅｎｎｙ






＜－－「我呢．．係元 朗等車果陣時聽到雞鳴囉．．哈哈．我仲早過ｄ雞起身．．哈哈．跟住仲會遲到．．哈哈．．ｄ雞有四隻腳．．哈哈．．我都唔知我講梗ｄ咩啦．哈哈哈．．．」




　　　　　　　　　　　－－－傻ｙａｎ

ｒｅｇｉｎ！！加油啊！！我地會一直係你身邊支持你！！！

penny

regin,我好認真同你講(penny好少咁認真)
為了您,我們都豁出去了,
我知脫髮你會傷心會喊,因為地都係女人
我知你打針,洗傷心,化療,會好痛會好辛苦,因為你表情同眼神同姑娘話左比我地知
我知你知有li個病果陣會問:why me....
我知你一個人ge時候會寂寞,
li d.....我們都知,雖然我唔會明白果種痛,果種心情
但係你都唔會明白我地ge心情,
每當知你身體出事,個個係幾咁緊張,心情係跟住你黎起伏(你知我地班女王幾易喊ga la)
每當靜下來都諗緊你e家做緊乜呀,你有無食藥呀飲奶呀(kitty連發夢都見到你)

其實我成篇野最想講ge係,
你生存落去唔在只係為自己,重要為埋我地,每一個陪你跑步同你講電話,關心你ge人呀....仲有一班唔識ge癌症朋友..你要做個好榜樣...有癌都可以好好生活落去,仲要比無ge更精彩..你條命已經同我地連埋一起.......你心理身理有咩事,我地都有權去知,有權去理
知唔知????我認真..心情唔好就向我發脾氣..我ok ga...(芳日日都發ga,我習慣了)悶ge就打比芳,佢會令你開心,想唔開ge就打比kitty,佢最了解你最懂事ge一個..想打人ge就打比鄭生同澤...男人好打d...想人哄ge打比ka,佢會最識哄你..(以上都只係我的見解...regin真係打比你地唔好話我呀><)

今日講話完畢
penny
20080120

Regin'飯S

今日REGIN都好忙AR，因為傷口發炎，要去醫院洗傷口，所以今日做5到運動。
我地幾個就去左黃姑娘度開會。
目前，白血球偏低，得0.08~
但係姑娘話佢雖然白血球低，仲係甘HEALTHY，係運動的成果。
運動運動運動，要KEEP住做運動AR""但同時又要睇住個傷口，5好比佢再發炎。
所以，REGINA小朋友都要聽話：
5做得ge就SAY NO"
痛就大聲講出黎
有咩事...小小小小事，都可以打去問姑娘
有咩心事，就打黎同我們講( 5洗怕醜啦！呢D要向Von小朋友學習 )
按時食藥飲奶奶AR^^知5知AR??

我地送左亞鈴比REGIN LA^^等佢平時係屋企睇電視都可以做下肌肉的運動，
仲有KITTY姐的[夏天的尾巴]都可以一路睇，一路做運動，一路感動hahaha~


今晚我地幾個去左REGIN屋企食飯: )
除左我(Vonvon)之外，
其他人(KITTY﹑PENI﹑鄭生)都係超級大[飯S]，上REGIN屋企食左2次飯！HAA^^
不過一路食一路睇金曲，仲同佢地屋企人好好傾TIM"
(既然甘好傾！唯有多D上去做[飯S] LA*) -0-" 呃飯食！

*期待明天的南Y島之旅！
*http://www.wretch.cc/blog/shwc&article_id=19145491
(租假髮的資料 for Regina)
*http://www.cancer-fund.org/html/uploads/File/cope_02hair_c.pdf
(認識癌症 for朋友仔)

剃光光！

日期:20080116
負責人:Regina,

今日不用到醫務所，自動自覺0915起床，然後在家做運動。
下午1800同雍, 雪芳, Step.到藍灣跑步:
溫度:12°C
圈數:6
時間:~24分(有進步喔!)

回家洗澡後脫頭髮情況極度嚴重，我應該只剩下三分之一的頭髮，所以我決定明天要把它徹底解決，一了百了！

20080115

日期:20080112

負責人：芳 , Penny , kitty , 小雲 , kb , 雍 , 瑩瑩



打波篇:

今日我同芳去左陪regin非法入豪宅..打羽毛球..她的身體很健康..at least better than me= =

她給我感覺沒變~仍然是樂觀的,仍然是會笑下我同芳的regin!good^^



不過直到打完波,regin沖完涼的時候(我同芳偷拍左d相...keke^^)

我望到地下有不少頭髮...佢吹頭ge時候,地下又留下一堆頭髮...果陣好想問下你係咪愈來愈嚴重,但係果刻又怕你會介意..(心想:朋友應該不介意li d野ge...)我就扮哂冷靜咁問:開始甩頭髮la?有無諗住剃左佢?(唔係好記得..好似係咁).....臨走ge時候,我問有無留低野呀?..你話:有呀,一陣出去同你講...

出到去,你話:我留低左好多頭髮....我果陣...唔知點講好..

regin,如果見到自己d頭髮咁,又唔開心的話,剃左佢la...support u~期待你帶令令假髮個樣^^



飲食篇:

今晚去左芳到食hotpot....一個字:清.......

本來我,芳,regin食得好地地...kitty姐一到,,大吵大鬧:regin,你知唔知你唔食得$&)_+^$#&^&= =無言..kaka..果然係洪姑娘..good..(真心的,有你成日提點我地有咩唔可以比regin食係好的,雖然好長氣- -"")



p.s 開心咁去跑先係重要的,不要帶一點壓力....enjoy your running~(不過真係要跑多d,大把人陪 ..kaka,又比左壓力你tim><)

芳特別提我加的 p.s
regin話芳打波好勁...= =...勁la..波神!

Dear Sweetie

Regina,

看到妳打blog真好。我們會儘快再將blog整靚靚，和催皓文快快建立好完善的網絡系統！讓我們可以無時無刻保持通訊嘛。

妳說妳會笑著面對，這就對了，一路微笑。何況有我們在，沒什麼好怕的，天塌下來，都不只是妳一個人在捱。其實妳該感激上天突然跟妳開玩笑，人不到有事的時候，都不知道身邊的人有多著緊自己，有多關心自己。妳很幸福的，那麼多人愛妳。所以說，上天還是挺公平的。

副所用那麼快就來了嗎？比我想像中要快。我想不用那麼快去把頭髮都剪掉吧！（不過妳放心，妳的頭不像小芳的那樣，像削走了一半那麼難看，就算是光光的都應該會好好看。）之前有看姑娘給我們的資料，好像可以買專用的假髮，我明天叫penny去問問。不然的話，可以買漂亮的絲巾纏在頭上，也好美呀！

今晚看到妳在海旁跑步，我就覺得，妳是我看過最勇敢的女孩。風中妳的身影好美，真的。接下來的日子可能會比現在更艱難，妳都準備好了沒有？

還有，謝謝妳。謝謝妳把我們這班朋友都團結起來，謝謝妳也給我們做運動的動力，謝謝妳用勇氣告訴我們人生的意義。

親愛的，我們很心急，只肯讓妳離隊一年，病好以後，我們一定要去旅行，說好了要去上海西湖杭州日本歐洲，還要一起去滑雪呢！還有還有，我很想念雲南的酸辣麵和乳扇，芳她們不懂欣賞，妳要快好起來陪我去吃！聽說觀塘也有雲南小店呢！

Love,
Kitty
20080115　0159

副作用

日期:20080114
負責人:Regina

剛剛和皓文和Debby跑完步，
時間:~25分鐘
距離:6圈
盡力去跑，感覺十分舒暢，重拾以前跑步的感覺，「是辛苦的，但那種甘甘的味道我很喜歡」！尤其與朋友一起，從前就很喜歡！

我開這一篇blog，其實是想跟大家說一聲，我已經感覺到化療的副作用在進行中，脫頭髮情況開始嚴重，我有在考慮應否剃光光，大家都可給我一些建議，看看我哪種比較好看，hee"我還是很愛美的喔。

笑

日期:20080114
負責人:Regina

「哈哈哈！」我將以這笑聲走過這條隧道。

　　回想第一次知道這個消息時，媽媽坐在醫生前竭力忍哭，我則裝作若無典事的樣子，當時完全沒有想到事情會這樣發展。現在這個病彷彿再不是不幸的消息，取而代之的是我周邊每個為了我而努力的朋友會因此變得非常正面和健康，自己將會變成非常"fit & healthy"的肌肉女和意志異常堅強的少女，這種堅毅將會是可以陪我走過將來每一個難關。

　　當然，這不是說有就有，是需要無限的勇氣和毅力。幸運地，我這個勇氣的盒子裝著的不只我，還有家人、朋友、老師、醫生．．．我必須藉這個機會特別感謝好友們，謝謝幫我訂立「做運動時間表」、幫我聯絡「陪跑／陪做運動人士」、監督我的睡覺起床時間（還特別交代海外的sally打電話叫我起床，我嚇了一跳，他們的探子遍佈全世界！）／有否準時吃維他命（現階段黃姑娘說好像不用喝奶粉），陪我出入院／做檢查等。然而，這是一場非常長的硬仗，更是一場血戰，要有著火鳳凰－置之死地而後生的精神和過人的堅毅，我們必須一起走下去，我知道我並不是孤獨的！

　　Kitty在上一篇blog問我有否介意自己面上的斑，說真的，我口說不介意你也不可能相信！每次出街前我都問自己，”這個樣子，可以嗎？不會遭受奇異的眼光嗎？但是不能化妝，能怎麼辦”，在街上我會不其然地摸摸自己的瞼，有時甚至想低著頭，避開別人普通不過的視線。然而，因為支持者的累積，我開始懂得在這個時候深呼吸一口氣，抬起頭並在別人身邊走過。我想說，因為你們，我的眼光將會放得更遠，我更不會再執著於現在的一刻痛苦和現在暫時外表的改變（只要你們不介意），１年後，我會是一個內外兼備的美少女（我們要一起shopping，買盡靚衫）！

　　他們幫我建立了一個屬於自己的blog，以後有關我的所有事情將會在這裡公開，包括身體情況和心路歷程，一起走過的日子都會在這裡記錄，或許在治療結束後可以出版一本有關我病的書，見證著所有人的進步。

　　在黑暗的隧道中，我們以笑燃點光明吧！（雖然好像有點”行”，但這是我的信念和做人的宗旨！）

　　哈哈！！＞ｖ＜”

20080114

日期：20080114

負責人：Kitty , 皓文

心理情況：今日比較精神，心情亦很好，一面做運動一面有說有笑，唯獨聽到媽說不想她再在晚上跑步，有點不開心。

飲食情況：聽話食左好多野，有飲維他命，好乖。

運動情況：跑步的情況很好，今日跑了六個圈，她還好像可以跑下去，呼吸十分流暢，也有規律。

身體狀況：.......。

Kitty 請幫個忙，因為大致情況我只知這麼多。

20080113

日期：20080113
負責人：Kitty , 皓文

心理情況：早上起來有點累的樣子，不過跑步時很積極，之後也有說有笑，情緒也很穩定。

飲食情況：早餐食了少許"薄餅"，跑完步飲了少許水，午餐的時間吃得比較多，有菜有魚有肉，而且很乖的飲了奶粉和維他命，不過奶粉仍然會覺得難飲，我們也陪著她飲了點，其實也不太差，下次如果Regina 不飲的話，就陪她一起飲。

運動情況：跑步的情況很好，大約跑了五個圈，而且事前拉筋的動作做得不錯。另外，雖然Regina跑左五個圈，不過她還是好像很輕鬆，所以由明天開始會把圈數加到六個。下午，Regina 跟家人去了行山，情況尚算樂觀。運動量要開始慢慢增加。

身體狀況：身體很健康，說話的時候仍然中氣充足。早上大約九時半起床，晚上大約十一時睡覺，情況尚算可以，不過她本應在十時半就要去睡的，因為要看茶煲阿四，所以就不肯睡，我答應了她，把節目錄下來，讓她在家做運動看，之後她就去睡了。

20080112

日期：20080112
負責人：Kitty , Penny , Bowling , 皓文

心理情況：Regina還是會說會笑的Regina，和我們玩大富翁，像什麼事都沒有發生過，嘻嘻哈哈的，情緒也很好。親愛的，要保持著這樣的好心情，要記著這場仗要硬打，但再難打都要笑著去打！像今天一樣就對了！

飲食情況：飯吃得不多，也沒什麼喝水，藥又扭計不吃。Regin，我知道藥水很難喝，我知道妳平日就吃得不多，可是妳吃多點飯吧，一定要吸收很多很多的營養。還有，妳一定要乖乖吃藥，再難喝也「骨」一聲吞下去，習慣了就不難喝啦！

運動情況：運動就很乖，今天跑了兩次步，中午一次晚上一次。不知道有沒有做其他拉根呀﹑肌肉運動那些。

身體狀況：目前為止，Regin身體還很健康，行得走得跑得跳得，記著要有好的身體才可以和癌細胞打過！今天看到妳臉蛋上出了點斑，妳心裡介意了沒有？幫妳問了姑娘，病好了斑就會消失，所以呢，一定要病好！